السبت، 7 يناير، 2017

30 دقيقه يومياً كافيه لتحويل جسمك INSANITY MAX 30

Shaun - Insanity Max 30
امتى جسمي هيتغير للشكل اللي طول عمري بحلم بيه ؟
امتى هحقق هدفي في تغير جسمي بعد قررات كتير اخدتها واتنازلت عنها  لأسباب انت\انتي مش مقتنع بيها
ليه جسمك مش بتديه حقه انه يبقى صحي وتبقى راضي عنه ..
مفيش كبسوله هتاخدها تغيرلك جسمك لشكل انت راضي عنه وتحسن صحتك ودورتك الدمويه - ولا بأجهاد مفاجىء لجسمك بدايت شديد او رياضات عنيفه لمده قصيره ونرجع تاني زي الاول لنقطه الصفر.

* 30 دقيقه من وقتك كل يوم في البيت
* مش محتاجين معدات
* 60 يوم لأتمام الكورس
*الكورس للشباب والشابات
نتائج تمارين Insanity Max 30 خلال شهرين 1

من ابدع واقوي الكورسات الموثره في الجسم Insanity Max 30 والاميز انه مش محتاج اكتر من نص ساعه في البيت  .
- الكورس مدته 30 دقيقه يوميا ويوم راحه في الاسبوع - لمده شهرين
- Insanity Max 30 من 5 سنين ولحد انهاردا بي
حقق مبيعات عالميه لتميزه وفعاليته وسهولته بالنسبه للوقت والمكان وعدم الاحتياج للمعدات
- Insanity Max 30 تمارينه الهدف منها اللياقه البدنيه والشكل المثالي للجسم فهو بيندرج تحت تصنيف Diet & Weight loss;Health & Beauty
- 30 دقيقه من الجنون في التمارين لمده 60 يوم.. مجهود وتعرق غزير ولكن النتائج ممتازه وتستحق الصبر لمده شهرين فقط
- 30 دقيقه مجهود يوميا لصحتك والاحساس الايجابي للنفس بأعطاء الجسم حقه شىء ممتاز

Insanity Max 30 كورس للياقه البدنيه دون التركيز على بناء كتله عضليه  وضخامه ولكن نتائجه تعطيك شكل مثالي لجسمك ولياقه بدنيه .. 30 دقيقه يوميا لمده شهرين وممارسه التمارين في البيت ودون الحاجه لمعدات شىء ممتاز ومحفز .. insanity max 30 عباره عن فيديوهات مجدوله لك ..  الفيديو مدته 32 دقيقه .. 30 دقيقه  جنون في التمارين واخر دقيقتين تمارين لراحه العضلات لتجنب الارهاق الزائد والشد العضلي.
- الفكره الاساسيه للتمارين هي الـ Push UP وهو دفع جسمك بتمارين مختلفه بوزن جسمك فقط
- الكورس مش مجاني
- الكورس دا نزل السوق في 2011 بس لحد انهاردا بيحقق مبيعات
Insanity Max 30
 وسط زحمه الشغل والرجوع ساعات من الشغل متأخر وعدم توافر الوقت للنزول من البيت للجيم او حتى انك تروح النادي تجري نص ساعه .. الكورس مش كبسوله سحريه وانك من مجرد اقتنائه فقط هتتغير ... ال30 دقيقه دول 30 دقيقه من الجنون وهما فعلا جنون في التمارين .. مجهود كبير وعرق غزير .. ولكن ف النهايه مجرد 30 دقيقه من يومك ... اول اسبوع في الكورس هو اصعب اسبوع لان جسمك تقريبا عضلاته لا تستخدمها في اي مجهود لياقي وفي بعض التمارين هتحس انك صعب تنجزها بنسبه 100% مع المدرب Shaun T ولكن بالوصول حتى لنسبه 70% من اداء التمرينه مع المدرب كويس جدا بالنسبه لأول اسبوع ..
في اول اسبوع هتحس بألم في عضلات جسمك بالكامل ( ظهر وبطن وصدر وارداف ورجل) ولكن الم ايجابي بيحسسك ببدأ موعد التغير .
بعض التمارين في insanity max 30   كالضغط والبطن  للمبتدئين اعتقد انه هيحس ان الموضوع صعب عليه جداً .. بس حاول على قد ما تقدر تنجز منها اي نسبه ومع الوقت العضله هتبدأ تتحفز وتفوق وتقدر تعمل التمرينه كامله .. وفي الوقت دا هتحس بجد التغير اللي ظهر على شكلك No pain No gain
بلاش تشد ولا تقرص على نفسك قوي .. اول اسبوع لما تحس انك مش قادر ممكن توقف الفيديو تستريح دقيقتين وتكمل (وعموما كل 5 دقايق Shaun بيعمل بريك 30 ثانيه ومتشربش مياه كتير في البريك عشان تقدر تكمل ) .. التمرينه اللي تحس انها مستحيله بالنسبالك .. حاول تنجز منها اللي تقدر عليه


نتائج تمارين Insanity Max 30 خلال شهرين 2
اول اسبوع ... يعتبر اسبوع انعاش العضلات وافاقتها
 انك بدأت تدي جسمك حقه وتخصصله نص ساعه في اليوم للياقه دا في حد ذاته ممتاز حتى لو مش هتنجز اكتر من 50 % من التمارين ومع الوقت هتحب ال30 دقيقه بتوع كل يوم

- بلاش نبص في المرايه كتير (خد لنفسك صور قبل البدأ في التمارين .. ومع انتهاء الشهر الاول .. انظر لشكل جسمك قبل وبعد وكذلك ثاني شهر )
-  بلاش تنصح حد بالكورس وانت اصلا لسا مجربتوش .. اشتغل على نفسك الاول وسيب الناس تقولك انت شكلك اتغير كدا ازاي
- بلاش نستمر على نفس العادات الغذائيه اللي بتضر بصحتك وبتتعب جهازك الهضمي ... كٌل اللي نفسك فيه بس بالعقل ( طبعا لو نمشي على نظام غذائي معتدل هتحس بجد ان شهرين الكورس بمثابه 6 شهور )
- بلاش تشد على نفسك وتاخد قرارات كبيره في تعديل سلوك الاكل لسلوك مجحف يقلل من عزيمتك
- بلاش عدم اداءك للتمارين مع المدرب بنسبه 100 % يقلل من عزيمتك .. انت يعني مش مولود وحش العالم وبطل كمال اجسام بلياقه بدنيه عاليه مع الوقت هتبقى كويس وهتنجز ال30 دقيقه بشكل مثالي
نتائج تمارين Insanity Max 30 خلال شهرين 3
- بلاش تحسس نفسك ان ال 30 دقيقه تمارين هما التكدريره او التعسيفه بتاعت كل يوم ... ال30 دقيقه دول ابسط حل لتغير جسمك للشكل اللي انت حلمت بيه من زمان وعشان صحتك ... وحط تحت صحتك مليون خط. ومع الوقت هتحبهم
خلينا نتفق .. ان ال30 دقيقه مش كبسوله  .. 30 دقيقه تمارين بمجهود كبير ونتائج كويسه .. وبالنهايه ال30 دقيقه تقريبا 2% من وقتك اليومي

- اهتم بشرب المياه على مداراليوم دا عشان صحتك
( الماء وفوائده للاعب كمال الاجسام )
- اهتم بتقويم سلوكك الغذائي عشان صحتك
- مهم جداً ممارسه تمارين الاحماء لمده 5 او 10 دقائق قبل بدأ ال 30 دقيقه لتهيئه عضلات جسمك للمجهود
 ( تمارين الاطالة والاحماء - شرح بالصور )
لأاداء التمارين بشكل جيد يفضل اخر وجبه طعام قبل التمرين ب 4 ساعات ووجبه بعد التمرين تبقى غنيه بالبروتين
- الكورس فعال لشد الترهلات للشباب والشابات
نتائج تمارين Insanity Max 30 خلال شهرين 4
- ممكن تدي لنفسك اسبوع قبل بدأ الكورس للأستمرار في ممارسه عاداتك الغذائيه السيئه كما تشااء .. ومن ثم بدأ صفحه جديده مع نفسك لجسمك وصحتك

- لا انصح بهذا الكورس لمن لديهم سمنه مفرطه

*** الملل والتكرار ... السببين اللي بيقتلو زهوه اي شيىء ... في مرحله من الكورس هتحس بملل وتكرااار .. عشان كدا في الكورس كل مره وانت بتتمرن اول ما توصل لمرحله انك مش قادر تكمل واطررت تدي لنفسك راحه لدقيقه او دقيقتين.. هتسجل الدقيقه والثانيه بالظبط ولتكن الدقيقه 10:34 ... والتمرينه اللي بعدها في اليوم التالي تحاول تكسر الرقم دا

الخلاصه:
التغير مش هيحصل بمجهود بسيط .. بس المميز إن الموضوع مقتصر على 30 دقيقه في اليوم

الكورس غير مجاني .. ولو مجاني كنت وفرت روابط لتحميله من هنا .. ولكن الكورس له حقوق ملكيه للشركه المنتجه
لو حابب الكورس وعايز تشتريه ممكن تتفرج عليه في امازون وتقرأ  اراء الناس من اللينك دا


ولو قدرت تقتني الكورس بأي طريقه سواء بأستعارته من صديق او اي كان
ابدأ تمارينك ومتضيعش وقتك ومتقصرش في حق صحتك اكتر من كدا

شاركونا أرائكم وقولولنا على  النتائج على مدار الشهرين
شرفنا وجودكم ف الموضوع

0 comments :

إرسال تعليق

عربي باي